सामाजिक सञ्जालमा टिप्पणी गरेको आधारमा पक्राउ पुर्जी

प्रहरीले उनीमाथि विद्युतीय कारोबार ऐन २०६३ को दफा ४७ बमोजिम कारबाही प्रक्रिया अगाडि बढाएको छ ।

गिरीले सोमबार सामाजिक सञ्जाल फेसबुकमा कुनै पनि पत्रकारको व्यक्तिगत रुपमा नाम नलिई समग्र जिल्लाको पत्रकारिताबारे निर्मम टिप्प्पणी गर्दै स्टाटस लेखेका थिए । उनको स्टाटसमा विभिन्न पत्रकारहरुले गरेको कमेन्टमा गिरीले प्रतिक्रिया लेखेको देखिन्छ । कतिपय प्रतिक्रियामा गिरीले अपशब्द प्रयोग गरेको देखिन्छ ।

प्रहरी नायव उपरीक्षक मधुसुधन न्यौपानेले पत्रकार महासंघको लेटर प्याडमै गिरीविरुद्ध उजुरी परेपछि आफूहरुले पक्राउ पुर्जी गरेको बताए । पत्रकारहरुले गिरीविरुद्ध विद्युतीय कारोबार ऐन २०६३ को दफा ४७ बमोजिम निजलाई कारबाहीको माग गर्दै आइतबार उजुरी दर्ता गराएका थिए ।

महासंघका जिल्ला अध्यक्ष सन्तोष थापाले महासंघको नामसहित राखेर गिरीविरुद्ध किटानी जाहेरी दिइएको बताए । उनले प्रत्येक उजुरीकर्तालाई गिरीले के-के शब्द प्रयोग गरेर आरोप लगाए भनेर त्यसमा खुलाइएको बताए । उजुरी गर्नेमध्ये गणेश पौडेल पूर्वकार्यवहाक अध्यक्ष, छविलाल तिवारी निर्वतमान अध्यक्ष एवं पत्रकार महासंघका केन्द्रीय सदस्य हुन् ।