पोखरा — गण्डकी प्रदेशसभामा नेपाली कांग्रेसको प्रमुख सचेतकमा गोरखाका नन्दप्रसाद न्यौपाने नियुक्त भएका छन् । गोरखा कांग्रेस सभापतिसमेत रहेका न्यौपाने गोरखा क्षेत्र नम्बर १ को २ प्रदेशसभामा निर्वाचित भएका थिए ।
मुख्यमन्त्री एवं कांग्रेस संसदीय दलका नेता सुरेन्द्रराज पाण्डेले आइतबार कांग्रेस प्रदेशसभा संसदीय दलको विधान २०७४ को धारा ११ को उपधारा १ बमोजिम न्यौपानेलाई प्रमुख सचेतकमा मनोनयन गरेका हुन् ।
प्रदेशसभामा सचेतक र अन्य पदाधिकारीको भने टुंगो लागेको छैन ।