हिरासतबाट फरार थुनुवा पक्राउ, ५ जनाको खोजी जारी- मधेस - कान्तिपुर समाचार

हिरासतबाट फरार थुनुवा पक्राउ, ५ जनाको खोजी जारी

सन्तोष सिंह

धनुषा — धनुषाको इलाका प्रहरी कार्यालय महेन्द्रनगरको हिरासतको पर्खाल भत्काएर फरार भएका थुनुवाहरूमध्ये एक जनालाई प्रहरीले पक्राउ गरेको छ ।

सोमबार बिहान इलाका प्रहरी कार्यालयको पर्खालबाट ६ जना थुनुवा पर्खाल नाघेर भागेका थिए । उनीहरूमध्ये फरार हातहतियार मुद्दाका आरोपित मिथिला नगरपालिका –६ का २८ वर्षीय रोशन महतोलाई पक्राउ गरिएको जिल्ला प्रहारी कार्यालय धनुषाका प्रहरी नायव उपरीक्षक प्रदीप क्षेत्रीले बताए ।

महतोलाई धनुषाको मिथिला नगरपालिका–८ कुशुमविछौनास्थित आफन्तको घरमा लुकिरहेको अवस्थामा पक्राउ गरिएको हो । प्रहरी हिरासतबाट फरार अन्य ५ जनाको खोजी भइरहेको प्रहरी नायव उपरीक्षक क्षेत्रीले बताए ।

हिरासतबाट ६ जना थुनुवा एकैसाथ फरार भएपछि ड्युटीमा रहेका इलाका प्रहरी कार्यालयका दुई प्रहरीलाई निलम्बन गरिएको छ भने घटना छानबिनका लागि जिल्ला प्रहरी कार्यालय र प्रदेश प्रहरी कार्यालयले छुट्टाछुट्टै समिति बनाएका छन् ।

लागूऔषध, हातहतियार, अभद्र व्यवहारका ७ जना थुनुवामध्ये ६ जना थुनुवा हिरासत कक्षको पर्खाल भत्काएर फरार भएका थिए । पुरानो घरमा रहेको हिरासत कक्षको शौचालयको ढोका फोरेर ढोकाको बिड लिएर पर्खालबाट हिटा झिकेर बिहान ३ बजे थुनुवाहरु फरार भएको जिल्ला प्रहरी कार्यालय धनुषाका प्रहरी उपरीक्षक विश्वराज खड्काले बताए ।

प्रहरी हिरासतमा रहेका लागूऔषध मुद्दाका विनोद कुमार शर्मा, सार्वजनिक अपराध मुद्दाका अमित मण्डल, रोशन यादव, अभद्र व्यवहार मुद्दाका हसिम सिंह, रोशन महतो र हातहतियार मुद्दाका आरोपित रोशन महतो र शंकर सिंह पर्खाल भत्काएर फरार भएका थिए ।

प्रकाशित : माघ १६, २०७९ २०:०४
प्रतिक्रिया
पठाउनुहोस्

महिन्द्राले ल्यायो फ्ल्यागसिप एक्सयूभी ७००

कान्तिपुर संवाददाता

काठमाडौँ — भारतको एसयूभी निर्माता महिन्द्रा एण्ड महिन्द्राले आफ्नो फ्ल्यागसिप ग्लोबल एसयूभी– एक्सयूभी ७०० बजारमा ल्याएको छ । एक्सयूभी ७०० नेपालको पहिलो महिन्द्रा एसयूभी बनेको र नयाँ पहिचान 'ट्विन पिक्स लोगो'को साथ आएको कम्पनीले जनाएको छ ।

कम्पनीका अनुसार भारतबाहिर दक्षिण अफ्रिकापछि नेपालमा यो गाडी सार्वजनिक गरिएको हो । नेपालमा एक्सयूभी ७०० पाँच र सात सिट क्षमताको म्यानुअल र अटोमेटिक अप्सनसहितको पेट्रोल इन्जिनमा उपलब्ध हुनेछ । महिन्द्रा एक्सयूभी ७०० को सुरुवाती मूल्य ७४ लाख रुपैयाँ तोकिएको छ । एक्सयूभी ७०० ले ग्लोबल एनसीएपीको दुर्घटना परीक्षणमा वयस्कहरूका लागि फाइभ स्टार र बच्चाका लागि फोर स्टार प्राप्त गरेको महिन्द्राले जनाएको छ ।

यस एसयूभीमा १०.२५ इन्चको टचस्क्रीन इन्फोटेनमेन्ट सिस्टम र क्लस्टर, सिक्स वे पावर्ड ड्राइभर सिट र १२ सोनी स्पिकरसहितको क्लास लिडिङ म्युजिक सिस्टमका सुविधा छन् । एक्सयूभी ७०० ट्विन पिक्स ब्राण्डको एसयूभी सुरुमा काठमाडौंका दुई ट्विन पिक ब्राण्डका शोरुमबाट उपलब्ध गराइने र मार्चसम्म पाँच वटा शोरुममा विस्तार गरिने महिन्द्राले जनाएको छ ।


प्रकाशित : माघ १६, २०७९ १९:५३
पूरा पढ्नुहोस्
प्रतिक्रिया
पठाउनुहोस्
×