गिटी बालुवा उत्खनन् गर्ने ट्र्याक्टरसहित दुई जना नियन्त्रणमा
बिर्तामोड — गिटी बालुवा उत्खनन् गरेको आरोपमा प्रहरीले झापाको मेचीनगर नगरपालिकाबाट ट्र्याक्टरसहित दुई जनालाई नियन्त्रणमा लिएको छ ।
शुक्रबार बेलुका पौने ५ बजेतिर मेचीनगर–३ स्थित निन्दा खोलामा गिटी बालुवा उत्खनन गरिरहेको अवस्थामा प्रहरी चौकी बाहुनडाँगीबाट खटिएको प्रहरी टोलीले दुइटा ट्र्याक्टर र दुई जना व्यक्तिलाई नियन्त्रणमा लिएको हो । पक्राउ पर्नेमा २० वर्षीय सागर तामाङ र २२ सुजन धिमाल रहेका छन् ।
उनीहरुसहित प्रदेश–१–०१–००१ त ८९४२ र प्रदेश–१–०१–००१ त ८३१७ नम्बरको ट्र्याक्टर नियन्त्रणमा लिएको जिल्ला प्रहरी कार्यालयका डीएसपी बसन्त पाठकले जानकारी दिए ।
प्रकाशित : पुस २९, २०७९ २१:५२प्रतिक्रिया
