सिँचाइ योजना अधुरै

उक्त योजना ०४२ सालबाट निर्माण थलिएको थियो । सिँचाइ डिभिजन कार्यालयले प्रत्येक वर्ष आयोजनाका लागि बजेट विनियोजन गर्दै आएको छ ।

आयोजनामा अहिलेसम्म करिब ४ करोड ८ लाख रुपैयाँ खर्च भइसकेको कार्यालयले जनायो । ३१ वर्षअघि मुहानमा बनाइएको कुलो अहिले जीर्ण बनेको छ । योजना क्षेत्रफलको हिसाबले पश्चिमी पहाडको सबैभन्दा ठूलो हो । डिभिजन कार्यालय सुर्खेतमा हुँदा मजदुरी गरेका स्थानीयले अझैसम्म ज्याला पाउन सकेका छैनन् । तर, दैलेखमै डिभिजन कार्यालय स्थापना भएदेखि पनि उक्त काम निरन्तर भइरहेको छ । विगतमा उपभोक्ता समिति र ठेकेदारकै लापरबाहीले सिँचाइ पूरा हुन नसकेको डिभिजन कार्यालय प्रमुख तारा वाग्लेले बताए ।