एकै सिजनमा तेश्रो पटक सगरमाथाको चुचुरोमा पुगिन् पूर्णिमा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — हिमाल आरोही पुर्णिमा श्रेष्ठले एकै सिजनमा तेश्रो पटक सर्वोच्च शिखर सगरमाथाको सफल आरोहण गरेर विश्व किर्तिमान कायम गरेकी छिन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![एकै सिजनमा तेश्रो पटक सगरमाथाको चुचुरोमा पुगिन् पूर्णिमा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/purnima-2552024122036-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
शनिवार बिहान ५:५० बजे उनले सगरमाथाको सफल आरोहण गरेकी 'एट–के' एक्सपेडिसनका लाक्पा शेर्पाले जानकारी दिए । सगरमाथा आरोहणका हिसाबले यो उनको चौंथो आरोहण हो भने यससँगै एकै सिजनमा तीन पटक सगरमाथा आरोहण गर्ने उनी पहिलो महिना बनेकी छन् ।
उनले यसअघि यही सिजनको मे १२ दोश्रोपटक र मे १९ मा तेश्रोपटक सगरमाथाको सफल आरोहण गरेकी थिइन् । गोरखाको आरुघाट गाउँपालिका-१० की श्रेष्ठले विश्वका दर्जनौँ हिमशिखर आरोहण गरिसकेकी छन् । उनले सन् १०१८ मा पहिलोपटक सगरमाथा आरोहण गरेकी थिइन् ।
विश्वका ८ हजार मिटरभन्दा माथिका १४ वटा हिमाल आरोहण अभियानमा रहेकी श्रेष्ठले गएको साउनमा पाकिस्तानस्थित विश्वकै दोस्रो अग्लो हिमाल के–टुको सफल आरोहण गरेकी थिइन् ।
उनले नेपालमा रहेका ८ हजार मिटरभन्दा बढी उचाइका ७ वटा हिमाल आरोहण गरिसकेकी छन् । पूर्णिमाले पहिलोपटक ८ हजार मिटरको हिमाल यात्रा गृहजिल्ला गोरखास्थित मनास्लुबाट सुरू गरेकी थिइन् । २०७४ मा उनले मनास्लुको सफल आरोहण गरेकी थिइन् ।
त्यसपछि श्रेष्ठले अन्नपूर्ण र धौलागिरि आरोहण गरिन् । उनी अन्नपूर्ण र धौलागिरि आरोहण गर्ने पहिलो नेपाली महिला पनि हुन् । उनी फोटो पत्रकारसमेत हुन् ।
सम्बन्धित समाचार :
पूर्णिमाको पूर्णता