वनमा लागेको आगो निभाउने क्रममा दैलेखमा ११ जना घाइते

सुर्खेत — दैलेखमा वनमा लागेको आगो निभाउने क्रममा ११ जना घाइते भएका छन् । दैलेखको आठबीस नगरपालिका-६ सामुदायिक वनमा लागेको आगो निभाउने क्रममा ११ जना जलेर घाइते भएको जिल्ला प्रहरी कार्यालयका डीएसपी किशोर लम्सालले बताए । 

डीएसपी लम्सालका अनुसार ३ जनाको शरीरको धेरै भाग जलेको छ भने ८ जनाको अवस्था सामान्य रहेको छ । घाइतेहरूलाई अहिले आठबीसकोट नगर अस्पताल ल्याउने तयारी भइरहेको प्रहरीको भनाइ छ ।

प्रकाशित : वैशाख २७, २०८० १५:३९

प्रतिक्रिया

पठाउनुहोस्