नेशनल मेडिकल कलेजमा छापा, एमडी र ल्याब  प्रमुख पक्राउ

वीरगन्ज महानगरपालिका– १५ स्थित शिक्षण अस्पतालमा विशेष सूचनाको आधारमा औषधि विभाग, महानगरपालिका र प्रहरीको टोलीले सोमबार अपराह्न छापा मारेको थियो ।

छापामारीको क्रममा ल्याबबाट म्याद गुज्रिएको केमिलक बरामद भएपछि मेडिकल कलेजका प्रबन्ध निर्देशक शाहनवाज हुसेन र ल्याब प्रमुख सन्जय साहलाई प्रक्राउ गरिएको प्रहरी उपरीक्षक कुमोध ढुंगेलले बताए ।

म्याद नाघेका केमिकलका सम्बन्धमा थप अनुसन्धान अगाडि बढाइएको उनले जनाए । प्रहरी स्रोतका अनुसार सन् २०२१ मै म्याद सकिएको केमिकल समेत ल्याबबाट बरामद भएको छ ।