सूचना प्रविधिमा आधारित १४४ उद्योगमा १३ अर्ब ४ करोड विदेशी लगानी स्वीकृत
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — चालु आर्थिक वर्षको फागुनसम्म सूचना, प्रसारण तथा सञ्चार प्रविधिमा आधारित उद्योगको संख्या १२० वटा रहेका छन् । यो क्षेत्रमा कुल लगानी ९ अर्ब ५५ करोड रुपैयाँ रहेको आइतबार सार्वजनिक भएको आर्थिक सर्वेक्षण २०८०/८१ मा उल्लेख छ । यस क्षेत्रमा प्रस्तावित रोजगारी संख्या ८ हजार १ सय २१ छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सूचना प्रविधिमा आधारित १४४ उद्योगमा १३ अर्ब ४ करोड विदेशी लगानी स्वीकृत](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/ped/itsuchana-2622024023527-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उद्योग, वाणिज्य तथा आपूर्ति मन्त्रालयको तथ्यांक अनुसार सूचना प्रविधिमा आधारित उद्योगमा चालु आवको फागुनसम्मको चालु पुँजी १ अर्ब ९७ लाख रुपैयाँ र स्थिर पुँजी ७ अर्ब ५८ लाख रूपैयाँ छ । सुरुदेखि २०८० सालको फागुनसम्म सूचना, प्रसारण तथा सञ्चार प्रविधिमा आधारित १४४ वटा उद्योगमा कुल १३ अर्ब ४ करोड रुपैयाँ वैदेशिक लगानी स्वीकृत भएको छ ।
गत आवको फागुनसम्म सूचना प्रसारण तथा सञ्चार प्रविधिमा आधारित उद्योगको संख्या ९९ वटा थिए । यस क्षेत्रमा प्रस्तावित रोजगारी ६ हजार १ सय ३४ थियो । त्यस्तै, गत आवकै फागुनसम्म सूचना प्रसारण तथा सञ्चार प्रविधिमा आधारित १२७ वटा उद्योगमा कुल १२ अर्ब ४२ करोड रुपैयाँ वैदेशिक लगानी स्वीकृत भएको थियो ।
प्रकाशित : जेष्ठ १३, २०८१ १७:३०