विश्व अर्थव्यवस्थामा देखिएका उतारचढावहरूमाझ अबको अर्थतन्त्र कसरी अगाडि बढ्छ भन्ने विषयमा विभिन्न प्रक्षेपण भइरहेका छन् । कोभिड–१९ र तत्पश्चात् सुरु भएको रुस–युक्रेन युद्धका कारण पूरै विश्वमा फरक परिस्थिति उत्पन्न भएको छ ।
विश्वभर कसिलो मौद्रिक नीति आइरहेको समयमा नेपालको मौद्रिक नीति त्यस्तै आएको छ । अर्थतन्त्रका लागि यो राम्रो पनि हो । तर मौद्रिक नीतिका व्यवस्थाले अल्पकालका लागि तुरुन्तै ब्याजदर बढ्ने देखिन्छ । विगत लामो समयदेखिको तरलताको समस्या समाधान भइहाल्ने अवस्था भने देखिँदैन ।
