२०७४ सालमा प्रतिनिधिसभा र प्रदेशसभाको निर्वाचनपछि राष्ट्रिय सभाको निर्वाचन हुँदै थियो । त्यसमा मलाई एमालेले उम्मेदवार बनायो । स्थानीय तहका प्रमुख, उपप्रमुख र प्रदेशसभा सदस्यको मतबाट निर्वाचित हुने संवैधानिक र कानुनी व्यवस्थाअनुसार म वाग्मती प्रदेशबाट राष्ट्रिय सभा सदस्यमा निर्वाचित भएँ । पहिलो पटक जनप्रतिनिधिमूलक संस्थामा निर्वाचित हुँदा खुसी र जिम्मेवारी दुवै महसुस भएको थियो ।
चितवन उपत्यका पूर्वमेचीदेखि पश्चिम महाकालीसम्मका अधिकांश भूभागलाई राजधानी काठमाडौंसम्म जोड्ने मुख्य ‘ट्रान्जिट पोइन्ट’ हो । त्यसो त चितवन भित्री मधेशको महत्त्वपूर्ण केन्द्र पनि हो । महाभारत र चुरे पहाडको काखमा रहेको यही भूभाग भएर नारायणी, रापती, बूढी, रापती, मनहरि, कयर, खगेरी, रिउजस्ता नदीनाला बग्छन् ।
संसदीय समिति गठनको उद्देश्य नै गहन र परिणाममुखी काम गर्नु हो, जसलाई ‘मिनी पार्लियामेन्ट’ पनि भनिन्छ । जनसरोकारका संवेदनशील विषय, कानुन निर्माण लगायतमा संसदीय समितिको भूमिका महत्त्वपूर्ण हुन्छ । राष्ट्रिय सभा नियमावली–२०७५ का नियम १४० र १४७ मा सरकारलाई राष्ट्रिय सभाप्रति उत्तरदायी र जवाफदेह बनाउन, सरकारबाट भए–गरेका कामकारबाहीको अनुगमन र मूल्यांकन गरी आवश्यक निर्देशन वा सुझाव दिन राष्ट्रिय सभा अन्तर्गत चार विषयगत समिति गठन गर्ने व्यवस्था छ ।
