सत्तारुढ नेकपामा बढेको विवादमा आफ्नो पार्टी र सभापति शेरबहादुर देउवा पनि जोडिन थालेपछि कांग्रेस केन्द्रीय सदस्यहरुले सत्ताको खेलमा अहिले नलाग्न खबरदारी गरेका छन् । केन्द्रीय समितिको सोमबारको बैठकमा बोल्ने सदस्यहरुले कांग्रेसका लागि यो सत्ताको लोभ गर्ने समय नभएको बताएका हुन् ।
कांग्रेसले पार्टीको महाधिवेशन आगामी फागुनको पहिलो साता गर्ने निर्णय गरेको छ । कोभिड–१९ संक्रमणका कारण तीन महिना पार्टीका सबै गतिविधि ठप्प भए पनि केन्द्रीय महाधिवेशन भने यसअघि तोकिएकै मितिमा गर्ने पार्टीको केन्द्रीय समिति बैठकले निर्णय लिएको हो ।
संसदको प्रमुख प्रतिपक्ष कांग्रेसले नेपाली पुरुषसँग विवाह गरी आएका विदेशी महिलालाई सात बर्षपछि अंगीकृत नागरिकता दिने प्रस्तावित प्रावधान असंवैधानिक रहेको भन्दै नमान्ने निर्णय लिएको छ ।
प्रमुख प्रतिपक्ष कांग्रेसले सरकारले ल्याएको संविधान संशोधन विधेयकको पक्षमा मतदान गर्ने निर्णय गरेको छ । कांग्रेस केन्द्रीय समितिको यो निर्णयसँगै सर्वसम्मति नभए पनि संविधान संशोधन विधेयक अब संसदको दुई तिहाई मतबाट पारित हुने करिब निश्चित भएको छ ।
संविधान संशोधनको विधेयक बुधबारको संघीय संसदमा टेबुल नभएको बिषयलाई लिएर पार्टी जोडिन पुगेपछि विज्ञप्ति जारी गर्दै कांग्रेसले यस दोषको भागिदारी लिन अस्वीकार गरेको छ । पार्टी प्रवक्ता विश्वप्रशकाश शर्माले बुधबार साँझ विज्ञप्ति प्रकाशित गरि कांग्रेसमाथि गोयबल्स शैलीमा आरोप लगाईएको भन्दै निन्दा गरेका छन् ।
प्रधानमन्त्री केपी ओलीले मंगलबार राखेको सर्वदलीय बैठकमा संविधान संशोधनका बारेमा भएका छलफलबारे संसद्लाई जानकारी नगराइएको भन्दै प्रमुख प्रतिपक्ष नेपाली कांग्रेसका नेताहरुले असन्तुष्टि जनाएका छन् ।
प्रमुख प्रतिपक्ष दल नेपाली कांग्रेसले सरकारले संसद्मा दर्ता गराएको संविधान संशोधन प्रस्तावको समर्थन गर्ने भएको छ । कांग्रेस सभापति शेरबहादुर देउवाको बूढानीलकण्ठस्थित निवासमा आइतबार बसेको पदाधिकारी बैठकले भारतीय अतिक्रमणमा परेको लिम्पियाधुरा, कालापानी र लिपेलुकलाई संवैधानिक अंग बनाउने गरी समावेश गर्न सरकारले ल्याएको संशोधनको पक्षमा उभिने निष्कर्ष निकालेको सहमहामन्त्री प्रकाशरण महतले बताए ।
नयाँ दलले कानुनी वैधता नपाउँदै सुरु भएको शक्ति–संघर्षले संघीय समाजवादी र राजपाबीचको एकता प्रक्रिया अप्ठ्यारो मोडमा पुगेको छ । दुई पार्टीका करिब एक दर्जन नेताको व्यवस्थापनले सिर्जना गरेको टकराबले एकता प्रक्रिया अघि बढ्न सकेको छैन ।
प्रमुख प्रतिपक्ष कांग्रेसले सरकारको नीति तथा कार्यक्रमको संसद्मा डटेर विरोध गर्ने जनाएको छ । कांग्रेस संसदीय दलको शनिबार बसेको बैठकले सरकारको नीति तथा कार्यक्रमले कोभिड—१९ संक्रमणबाट प्रताडित नागरिकलाई आशा र भरोसा दिन नसक्ने निष्कर्ष निकाल्दै संशोधन हाल्ने निर्णय समेत लिएको छ ।
