केही महिनाअघिको तोप्केगोला–यात्राले नेपालका मिथ, इतिहास र मान्छे बाँचिरहेको युगीन पुरानो कथाहरू बुझ्न सघाउँछ । प्राध्यापक बालकृष्ण मावोहाङ, मानवशास्त्री डाक्टर उद्धव राई, जगबहादुर बुढा र मैले ताप्लेजुङको तोप्केगोला हुँदै संखुवासभाको किमाथाङ्कासम्मको यात्रा गरेका थियौं ।
डोल्पा टुप्पाताराका डोल्पाली मगरको भाषा अरू मगरभन्दा भिन्न छ । भाषाशास्त्रीहरू त्यस भाषालाई ‘काइके भाषा’ भन्छन् । टुप्पाताराका मगरहरूको दाबी छ– ‘हामीले बोल्ने काइके भाषा हाम्री हजुरआमा परीले बोलेकी हुन् ।