भक्तपुरको नयाँ थिमिस्थित शंखधरचोकमा ट्राफिक बत्ती नियमित चल्छ । तर, सडक प्रयोगकर्ताले ट्राफिक प्रहरीको आँखा छलेर रातो बत्ती बलिरहेको समयमा नै लेन क्रस गर्नु सामान्य जस्तै देखिन्छ ।
जीविकोपार्जनका धेरै प्रयास असफल भएपछि आफैंलाई आगो लगाउने युवा उद्यमी प्रेमप्रसाद आचार्यको घटनाले एउटा जबर्जस्त प्रश्न राज्यका सामु तेर्स्याएको छ– यो देशमा गरिखानेका लागि किन ठाउँ छैन ? वैदेशिक रोजगारीदेखि व्यापार व्यवसाय र घरेलु उत्पादनका अनेक उद्यम गर्दा पनि उल्टै ऋणमा डुबेर मृत्यु नै अन्तिम विकल्प ठान्नुपर्ने अवस्थामा पुगेका आचार्य प्रतिनिधि पात्र मात्रै भएको विश्लेषकहरू बताउँछन् ।
काठमाडौंको शंखरापुर नगरपालिका–३ लप्सीफेदी बोझेनीमा अपर तामाकोसी जलविद्युत् आयोजनाको सबस्टेसन निर्माण स्थान्तरणको माग गर्दै स्थानीय बासिन्दा १० दिनदेखि आन्दोलनरत छन् ।
काठमाडौं उपत्यकाको मध्य हिउँद । भक्तपुरका इँटाभट्टाका मजदुर, जसको जीवन पुसजस्तै चिसो छ । रोल्पा डार्बोटकी ३२ वर्षीया चन्द्रकुमारी परियारको इँटाभट्टासम्म आउनुको कारण बेग्लै छ । उनी तीन सन्तानसहित भक्तपुरको सूर्यविनायक जगाती भातेढिकुरस्थित कृष्ण इँटा उद्योगमा इँटा बोक्न आएकी छन् ।
यसअघि छोराछोरीको पढाइ बुझ्न आउने अभिभावक बुधबार हातमा फूल, खादा, माला बोकेर सुकसुकाउँदै विद्यालय हाता प्रवेश गरिरहेका थिए । विद्यार्थी विद्यालयको बरन्डामा बसेर रोइरहेका थिए । शिक्षक आफैं सम्हालिन सकेका थिएनन् ।
सुनसरी बराहक्षेत्र नगरपालिका–६ कालाबन्जराकी रूपा राई ६ महिनाअघिदेखि खान मन नलाग्ने, निद्रा नलाग्ने, काप्ने, बर्बराउने, छटपटाउने समस्याले अस्वस्थ भइन् । धरान र विराटनगरका स्वास्थ्य संस्थामा जाँच गराउँदा कुनै रोग पत्ता लागेन । ‘अस्पतालका चिकित्सकले नै घरको देउता/पितृ बुझाउनुस् भने,’ रूपाले भनिन्, ‘घरमा दिनहुँ पूजाआजा गर्यौं, धामी बोलायौं, केही समयका लागि समस्या समाधान भए पनि निको भएन ।’
चाँगुनारायण नगरपालिका–४ खोरियाका शान्ति तामाङको घरमा तीनवटा धारा जोडिएका छन् । तर, कुनैबाट पनि पानी आउँदैन । शान्तिको घरसम्म खानेपानीका लागि जडित पाइपहरू मुहान खोलाखोल्सामै हराइसकेका छन् । उनले डोकोमा पानी नबोकी परिवारको तिर्खा मेटिँदैन ।
ललितपुरको पाटन बंगलामुखी मन्दिरनजिकै बस्छिन्, सारथि गौतम । एउटै कोठाको मासिक सात हजार रुपैयाँ तिरिरहेकी उनलाई दिनरात पानी भर्ने चिन्ताले सताउँछ । रत्न राज्यलक्ष्मी क्याम्पसमा स्नातक पढ्दै गरेकी उनी भन्छिन्, ‘काठमाडौंमा भाडामा बस्नु भनेको आधा ज्यान सुकाउनु जस्तै हो ।’
भक्तपुरबाट काठमाडौंतर्फ जाँदै गरेको कार, मोटरसाइकल र बस आपसमा ठोक्किएर दुर्घटना हुँदा ६ वर्षीय बालकको मृत्यु भएको छ । प्रहरीका अनुसार शनिबार दिउँसो अरनिको राजमार्ग सडकखण्डअन्तर्गत सूर्यविनायक नगरपालिका ५ सृजनानगरस्थित भक्तपुर जगातीबाट काठमाडौंतर्फ जाँदै गरेको बा ६ च ८८५८ नम्बरको कार, सोही दिशातर्फ जाँदै गरेको बा ५५ प ९९२२ नम्बरको मोटरसाइकल र बा ४ ख ५७९६ नम्बरको बस आपसमा ठोक्किएर दुर्घटना भएको थियो ।
उमेर र शरीरमा शक्ति छउन्जेल भारीको वजन धेरै–थोरै भनेनन् । ढुंगा, इँटा, गिट्टी, बालुवा बोक्न काठमाडौं उपत्यकाका धेरै ठाउँ पुगे । यही बीचमा २ सन्तान पनि हुर्काए । मजदुरी गरेर जसोतसो हुर्काए पनि उनीहरूलाई पढाउन भने सकेनन् । नुवाकोट लिखुकी सावित्री थापा मगरले मजदुरी छाडेको ३ वर्ष मात्रै भयो । तर, अहिले पनि गुजाराका लागि उनीहरूका दुवै सन्तान ज्यामी काम गर्छन् ।
