जलाधार व्यवस्थापन अधिकृत पालविरुद्ध भ्रष्टाचार मुद्दा

तटबन्ध निर्माणसम्बन्धी बिल भुक्तानीमा सहजीकरण गर्ने नाममा सेवाग्राहीबाट एक लाख २० हजार रुपैयाँ घुस/रिसवत लिएको पुष्टि भएपछि पालविरुद्ध शुक्रबार अख्तियार दुरुपयोग अनुसन्धान आयोगले विशेष अदालत काठमाडौंमा आरोपपत्र दर्ता गरेको हो ।

अख्तियार प्रवक्ता नरहरि घिमिरेका अनुसार योजनामा पेस्की रकम निकासा, पहिलो रनिङ बिल भुक्तानी तथा योजनाको सहजीकरण गरिदिने प्रयोजनको लागि सेवाग्राहीसँग पालले एक लाख २० हजार रुपैयाँ घुस लिएको पुष्टि भएकोले बिगोबमोजिम जरिवाना सजाय हुन मागदाबीसहित अदालतमा आरोपपत्र दायर गरिएको छ ।

जलाधार व्यवस्थापन अधिकृत पाललाई घुस लिइसकेको अवस्थामा वैशाख ५ गते अख्तियारको टोलीले नियन्त्रणमा लिएको थियो ।