सन् १९५९ मा आजकै दिन : क्यास्ट्रो क्युबाका प्रधानमन्त्री

१९२६ को अगस्ट १३ मा जन्मिएका क्यास्ट्रो हवाना विश्वविद्यालयमा अध्ययन गर्दाताका नै राजनीतिक रूपमा निकै सक्रिय थिए । उनले १९५३ मा बाटिस्टा नेतृत्वको सरकार ढाल्ने प्रयास गरेका थिए । तर त्यतिबेला असफल भएका क्यास्ट्रो केही सयम जेल परेका थिए ।

जेलबाट रिहा भएलगत्तै उनले राहुल क्यास्ट्रो र चे ग्वेभारासँग मिलेर गरेको क्रान्ति सफल भएको हो । क्रान्ति सफल भएसँगै चिढिएको अमेरिकाले १९६१ मा क्यास्ट्रोलाई अपदस्थ गर्ने प्रयाससमेत गरेको थियो ।

क्यास्ट्रो १९५९ देखि १९७६ डिसेम्बर २ सम्म क्युबाका प्रधानमन्त्री थिए । त्यसयता उनी २००८ फेब्रुअरी २४ सम्म क्युबाको राष्ट्रपति बने । क्यास्ट्रोको २०१६ नोभेम्बर २५ मा ९० वर्षको उमेरमा निधन भएको हो ।