कान्तिपुर वेबसाईट
AdvertisementAdvertisement
२६.१२°C काठमाडौं
काठमाडौंमा वायुको गुणस्तर: १८१

पेरिसको हिंसात्मक प्रदर्शनपछि बेलायती राजाको फ्रान्स भ्रमण स्थगित

एजेन्सी

काठमाडौँ — फ्रेन्च सरकारको पेन्सन सुधार सम्बन्धी विवादास्पद निर्णयलाई लिएर पेरिसमा भएको विशाल प्रदर्शनका कारण बेलायती राजा चार्ल्सको राजकीय भ्रमण स्थगित गरिएको छ । चार्ल्सको उक्त भ्रमण स्थगित भएको बकिंघम प्यालेसले शुक्रबार पुष्टी गरेको हो ।

पेरिसको हिंसात्मक प्रदर्शनपछि बेलायती राजाको फ्रान्स भ्रमण स्थगित

बेलायती राजा चार्ल्स र रानी क्यामिलाको उक्त भ्रमण आइतबारदेखि बुधबारसम्म पेरिस र दक्षिणपश्चिम सहर बोर्डोमा हुने तय गरिएको थियो ।

साथै फ्रान्सबाट जर्मनी यात्रा गर्ने पनि उनीहरूको भ्रमण तालिका थियो । तर पेरिसमा जारी प्रदर्शन हिंसात्मक बन्दै अनियन्त्रित भएपछि उक्त भ्रमण स्थगित गरिएको हो ।

प्रदर्शनको क्रममा प्रदर्शनकारी र प्रहरीबीच विभिन्न स्थानमा झडप भएको छ । प्रदर्शनकारीले फ्रान्स सरकारको विवादास्पद पेन्सन सुधार सम्बन्धी निर्णय फिर्ता लिन माग गरिरहेका छन् । प्रदर्शन हिंसात्मक बन्दै गएपछि फ्रान्स र बेलायत सरकारबीच वार्तामार्फत् राजाको भ्रमण स्थगित गरिएको बताइएको छ ।

तर बेलायतस्थित बकिंघम प्यालेसका प्रवक्ताका अनुसार अर्को अनुकुल मिति उपलब्ध भएपछि चार्ल्सले फ्रान्स भ्रमण गर्नेछन् ।

फ्रान्स सरकारले त्यहाँका नागरिकका लागि पेन्सन पाउने उमेर ६२ बाट बढाएर ६४ बनाइदिएपछि पेरिससहितका सहरमा विशाल प्रदर्शन भएका छन् । पछिल्लो समय प्रदर्शन हिंसात्मक बन्दै गएको छ ।

प्रकाशित : चैत्र १०, २०७९ २०:०३
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?