विराटनगरलाई हराउँदै कन्काई सेमिफाइनलमा 

विराटनगर जुटमिलस्थित खेलमैदानमा आइतबार भएको खेलमा कन्काईका लागि दुवै गोल सन्दिप रसाईलीले गरेका थिए । उनी खेलको प्लयेर अफ द म्याच समेत घोषित भए । कन्काईले फाइनल प्रवेशका लागि एपीएफको सामना गर्ने छ ।

खेलमा सुरुवाती अग्रता भने आशिष राईको गोल मार्फत विराटनगरले लिएको थियो । खेलको २७ औँ मिनेटमा झापाली डिफेन्सको खुट्टामा लागेर डिबक्समा रिवाउण्ड भएको बललाई आशिषले पोष्टको दिशा दिएका थिए ।

पहिलो हाफमा एक गोलले पछि परेको कन्काईले दोस्रो हाफमा आक्रमक खेल पस्किँदै ५० औं मिनेटमा खेलमा फर्केको थियो । उसकालागि सन्दिप रसाइलीले गोल गर्दै खेललाई बराबरीमा ल्याए । खेल सकिन दुई मिनेट बाँकी रहँदा रसाइलीले पेनाल्टी मार्फत गोल गर्दै टिमको जित निश्चित गरेका थिए ।

सोमबारको अन्तिम क्वारटफाइनल खेल कोशी प्रदेश प्रहरी कार्यालय रानी विराटनगर र डिफेन्डिङ च्याम्पियन गोलबजार स्पोर्टिङ क्लब गोलबजारबीच हुनेछ ।