गण्डकी प्रदेशस्तरीय राष्ट्रपति रनिङ शिल्ड सुरु
नवलपुर — गण्डकी प्रदेशस्तरीय राष्ट्रपति रनिङ शिल्ड प्रतियोगिता सुरु भएको छ । पुर्वी नवलपरासीको कावासोतीमा शुक्रबारदेखि भइरहेको प्रतियोगिताको सामाजिक विकास तथा स्वास्थ्य मन्त्री सुशिला सिंखडाले उट्घाटन गरिन् ।
उद्घाटन कार्यक्रममा बोल्दै मन्त्री सिंखडाले खेल र खेलाडीमार्फत् प्रदेश र देशलाई नै अन्तर्राष्ट्रियस्तरमा चिनाउन प्रदेश सरकारले प्रयास गरिरहेको दाबी गरिन् । उनले सरकारले खेलाडी र अफिसियलहरुलाई जीविकोपार्जनका लागि सुविधा दिने गरेर कार्ययोजना बनाउन लागिरहेको जानकारी समेत दिइन् ।
तीन दिनसम्म संचालन हुने प्रतियोगितामा एथ्लेटिक्स, भलिबलसहित ६ वटा खेलका लागि ११ जिल्लाबाट १ हजार १ सय भन्दाबढी खेलाडी कावासोती आइपुगेका छन् ।
प्रकाशित : फाल्गुन ११, २०८० १५:५७प्रतिक्रिया