१८.१२°C काठमाडौं
किसुनजी स्मृति हाफ म्याराथन चैतमा
काठमाडौँ — नेपाल लोकतान्त्रिक खेलकुद संघ वाग्मती प्रदेशको आयोजनामा तेस्रो किसुनजी स्मृति राष्ट्रिय पुरुष तथा महिला हाफ म्याराथन चैत १७ गते हुने भएको छ ।
पुरुष/महिला दुवैमा शीर्ष तीन स्थान हात पार्नेले क्रमशः ७५ हजार, ५० हजार र २५ हजार रुपैयाँ नगद पुरस्कार पाउने बुधबार आयोजित पत्रकार सम्मेलनमा आयोजकका अध्यक्ष दीपक गुरुङले बताए ।
पूर्वप्रधानमन्त्री कृष्णप्रसाद भट्टराईको सम्झनामा हुने म्याराथन गल्फुटारबाट सुरु भई पुनः त्यही पुगेर टुंगिने छ ।
‘रन फर फन’ अन्तर्गत विद्यार्थीलगायतको ५ किलोमिटर दौड हुनेछ । उक्त दौडमा पुरुष/महिलातर्फ पहिलो हुनेले १५ हजार, दोस्रोले १० हजार र तेस्रोले ५ हजार पुरस्कार पाउने छन् ।
म्याराथनको समापन समारोहमा खेल क्षेत्रमा योगदान दिने खेलाडी, प्रशिक्षक र खेल पत्रकारलाई नगदसहित सम्मान गरिने आयोजकले जनाएको छ ।
प्रकाशित : माघ १७, २०८० २१:००प्रतिक्रिया
