बेलबारी गोल्डकप : उपाधिका लागि विर्तामोड र ब्रिगेड ब्वाईज भिड्ने

झापाले उपाधिका लागि शनिबार ब्रिगेड ब्वाईजको सामना गर्ने छ ।

सिरहाले खेलको १९ औं मिनेटमा लिएको अग्रतालाई संरक्षण गर्न नसक्दा खेल टाईब्रेकर र सडनडेथमा धकेलिँदा उसको उपाधि यात्रामा पूर्णविराम लागेको हो ।

निर्धारित समयमा १–१ र टाईब्रेकरमा ३–३ गोलको बराबरी खेल खेल्दा खेलको निर्णय सडनडेथमा धकेलिएको थियो । सडनडेथमा झापाका जीवन गुरुङको प्रहार निर्णायक बन्दा टिमले उपाधि यात्रा तय गर्‍यो भने सिरहाका कोमल खवासको प्रहार पोष्ट बाहिर जाँदा टिम घर फर्कन बाध्य बन्यो ।

खेलको म्यान अफ द म्याच झापाका आशीष चापागाईं भए । प्रतियोगिताको विजेताले ८ लाख र उपविजेताले ५ लाख रुपैयाँ पुरस्कार पाउने छ । यो प्रतियोगिताको पाँचौ संस्करणको उपाधि सशस्त्र प्रहरीको एपीएफले जितेको थियो ।