प्यालेससँग युनाइटेडको बराबरी
लन्डन — म्यानचेस्टर युनाइटेडको इंग्लिस प्रिमियर लिग उपाधि होडमा बुधबार क्रिस्टल प्यालेसको हातबाट गम्भीर धक्का पुगेको छ । अर्को साता आर्सनलको भ्रमणमा निस्कन अगाडि युनाइटेड १–१ को बराबरीमा रोकिएको हो ।
सेलहर्स्ट पार्कमा भएको खेलमा युनाइटेड ९० मिनेटसम्म एक गोलले अगाडि थियो र लगातार दसौं जित निस्कने निश्चित देखिएको थियो । तर माइकल ओलिसले फ्रि–किकबाट प्यालेसका लागि सुन्दर गोल गरे ।
युनाइटेडले ब्रुनो फर्नान्डेजको गोलबाट अग्रता लिएको थियो । युनाइटेडको ३९ अंक भएको छ भने आर्सनल ४७ अंकमा शीर्ष स्थानमा छ ।
प्रकाशित : माघ ५, २०७९ ०७:०९प्रतिक्रिया