बैतडीमा युवक मृत फेला

जिल्ला प्रहरी कार्यालयका अनुसार मृतक महरको घरबाट करिब ५ सय मिटर टाढा रहेको गोदेखोला वनमा मछाइनोको रुखमा झुण्डिएको अवस्थामा उनी फेला परेका हुन् ।

मृतकका भाइ कृष्णरामले झुण्डिएको अवस्थामा दाइलाई देखेपछि पासो काटेर घरमा ल्याएका थिए । तर घरमा पुर्‍याउँदा उनको मृत्यु भइसकेको बैतडी प्रहरीका प्रवक्ता खेमविक्रम केसीले बताए । घटनाबारे अनुसन्धान भइरहेको उनको भनाइ छ ।