लकडाउनका कारण आमा बित्दासमेत नेपाल आउन नपाएका दार्चुलाका युवा वासुदेव भट्ट क्वारेन्टाइनमा किरिया बसेको छैटौं दिन घर पुगेका छन् । उनी आइतबार दिउसोमात्रै नेपाल आएका हुन् ।
सीमा बन्द भएका कारण आमाको क्रिया गर्न नेपाल आउन नपाएका वासुदेव भट्टलाई भोलि शुक्रबार नेपाल ल्याइने भएको छ। सीमामा आइपुगेर पनि नेपाल आउन नपाएपछि भारतको धारचुलामै क्वारेन्टाइनमा कोरा बसेका शैल्यशिखर नगरपालिका १ का भट्टलाई ल्याउने व्यवस्था मिलाउन बिहीबार गृह मन्त्रालयले दार्चुला प्रशासनलाई निर्देशन दिएको थियो ।
भारतबाट फर्किंदै गरेका नेपाली लकडाउनका कारण सीमा नाका बन्द भएपछि ज्यान जोखिममा राखेर महाकाली पार गर्न थालेका छन् । सोमबारदेखि शुक्रबारसम्म पौडेर र ट्युबको सहारामा ७० जना महाकाली तरेर स्वदेश प्रवेश गरिसकेका छन् ।
कोरोनाका डरले गर्दा भारतमा गरिरहेको काम गर्न नपाएपछि धेरै नेपाली घर फर्कन खोजे । अहिले सुदूरपश्चिम र कर्णाली प्रदेशका विभिन्न जिल्लाका करिब एक हजार जना नेपाली महाकालीपारि आइपुगेका छन् ।
महाकाली लोकमार्ग अन्तर्गत मालिकार्जुन गाउँपालिका–८ पस्तीमा जीप र बस एक आपसमा ठोक्किँदा ६ जना यात्रु घाइते भएका छन् । शनिबार बेलुका शंकरपुर पस्तीस्थित प्रहरी चेक पोस्ट नजिकै बस र जीप आपसमा ठोक्किएको जिल्ला प्रहरी कार्यालयले जनाएको छ ।
स्थानीय तहहरूले जथाभावी निर्माण गरिरहेका ग्रामिण सडकका योजनाले वन क्षेत्रमा क्षति पुगेको छ । वन मासिँदै गइरहेको भए पनि स्थानीय तहहरूले भने वातावरणीय प्रभाव मूल्यांकनबिनै अन्धाधुन्ध सडक निर्माणकार्य जारी राखेका छन् ।
अपीनाम्पा संरक्षण क्षेत्रमा पर्यटक बढाउन ०७१ मा सञ्चालन गरिएको घरबास (होमस्टे) अहिले अलपत्र परेको छ । सञ्चालन समिति र सहयोग गर्ने निकायले व्यवस्थापनमा ध्यान नदिँदा अलपत्र परेको हो ।
दार्चुलाको त्रिदेशीय सीमा क्षेत्रमा बन्दै गरेको दार्चुला-तिंकर सडकअन्तर्गतका दुईवटा पुलको प्रगति सुस्त भए पनि ठेक्काको म्याद भने बारम्बार थपिदै गएको छ ।
