ज्येष्ठ नागरिकलाई कम्बल वितरण
काठमाडौँदार्चुला — अपी हिमाल गाउँपालिकाले ज्येष्ठ नागरिकलाई न्यानो लुगा कम्बल वितरण गरेको छ । चालु आर्थिक वर्षमा गाउँपालिकाले ३ सय ८० ज्येष्ठ नागरिकलाई कम्बल वितरण गरेको जनाएको छ ।
अपी हिमाल गाउँपालिकाका अध्यक्ष भगतसिंह ठेकरेले पालिकाभरिका ६८ वर्ष पूरा भएका ज्येष्ठ नागरिकलाई कम्बल विरतण गरिएको बताए । उनले सोमबार १ र २ वडाका ९२ ज्येष्ठ नागरिकलाई कम्बल विरतण गरेको जनाए ।
गाउँपालिकाका ६ वटै वडाका ३ सय ८० जनालाई कम्बल विरतण गरिएको छ । चालु आर्थिक वर्षबाट लागू भएको ‘अध्यक्षसँग ज्येष्ठ नागरिक’ कार्यक्रमअन्तर्गत ज्येष्ठ नागरिकलाई कम्बल वितरण गरिएको अपी हिमाल गाउँपालिकाका प्रमुख प्रशासकीय अधिकृत इन्द्रबहादुर रावलले बताए ।
कार्यक्रमका लागि गाउँपालिकाले ५ लाख रुपैयाँ बजेट विनियोजन गरेको छ । अहिले जिल्लाका अन्य ठाउँमा गर्मी मौसम बढेको भए पनि अपी हिमाल गाउँपालिकाका उच्च हिमाली क्षेत्रमा चिसो नघटेकाले कम्बल विरतण गरिएको गाउँपालिकाका अध्यक्ष ठेकरेले बताए ।
