अब कर्णाली सरकारको नेतृत्व एमालेले लिनुपर्छ : महासचिव पोखरेल

'लामो समयसम्म माओवादीले नेतृत्व गरिसक्यो, अब एमालेको नेतृत्व माआवादीले स्वीकार गर्नुपर्छ,’ उनले भने, 'एमालेको कर्णालीमा परीक्षण हुन बाँकी छ ।'

मधेश र कर्णालीबाहेक बाँकी ५ प्रदेशमा एमालेले सरकारको नेतृत्व गरिसकेको छ । प्रदेश सरकारको नेतृत्वका लागि कर्णालीका नेताहरू केन्द्रमा धाउन आवश्यक नरहेको उनको तर्क थियो । 'कर्णालीमा पनि जनताको रोजाइको पहिलो पार्टी नेकपा एमाले नै हो । जनताको अभिमतका आधारमा हामी कमजोर होइनौँ । राष्ट्रिय राजनीतिमा दोस्रो स्थानमा छौँ । पहिलो पार्टी नेपाली कांग्रेस भन्दा १० सिट कम छौँ । तर, जनताको दृष्टिकोणले, जनताको रोजाइको दृष्टिकोणले हामी काँग्रेसभन्दा माथि छौँ ,' उनले भने।

विगतको गठबन्धन सरकारले नेपालको वैधानिक अर्थतन्त्रलाई कमजोर बनाएर अवैधानिक अर्थतन्त्रलाई पोषण गर्ने प्रयत्न अपनाएकाले अर्थतन्त्र संकटमा परको उनको भनाइ छ ।