रारा बहुमुखी क्याम्पसको स्ववियु अध्यक्षमा नेविसंघ विजयी
मुगु — मुगुको रारा बहुमुखी क्याम्पसको अध्यक्षमा नेविसंघका राज तामाङ विजयी भएका छन् । उनले १ सय १७ मत प्राप्त गरी स्ववियु अध्यक्षमा पदमा विजयी भएका हुन् ।
निकटतम प्रतिस्पर्धी अनेरास्ववियुकी बैदेवी बुढाले ७२ मत ल्याइन् । यस्तै सचिवमा नेविसंघका असल बिक निर्विरोध निर्वाचित भएका छन् ।
कोषाध्यक्षमा अनेरास्ववियुकी बसन्ती रोकाया निर्वाचित भएकी छन् । सदस्यमा नेविसंघका पंचदेवी सेजुवाल र सपना रावल विजय भएका छन् ।
रारा बहुमुखी क्याम्पसमा कुल मतदाता संख्या २ सय ६० मध्ये २ सय ७ जना मतदानमा सहभागी रहेको निर्वाचन अधिकृत लालकेशर रोकायाले जानकारी दिए ।
प्रकाशित : चैत्र ५, २०७९ २०:२५प्रतिक्रिया
