२२.१२°C काठमाडौं
काठमाडौंमा वायुको गुणस्तर: २०९

कर्णालीका नवनियुक्त मन्त्रीले लिए शपथ

ज्योति कटुवाल

सुर्खेत — कर्णाली प्रदेशका नवनियुक्त मन्त्रीहरुले शपथ लिएका छन् । प्रदेश प्रमुखको कार्यालयमा बुधबार साँझ आयोजित समारोहमा प्रदेश प्रमुख तिलक परियारसमक्ष नवनियुक्त ४ मन्त्रीले पद तथा गोपनियताको शपथग्रहण गरेका हुन् ।

कर्णालीका नवनियुक्त मन्त्रीले लिए शपथ

माओवादी केन्द्रका कृष्ण जिसी आन्तरिक मामिला तथा कानुनमन्त्री, भीमप्रकाश शर्मा भूमि, व्यवस्था कृषि तथा सहकारीमन्त्री, एमालेबाट टेकराज पछाईले सामाजिक विकासमन्त्री र जीतबहादुर मल्लले उद्योग, पर्यटन, वन तथा वातावरणमन्त्रीको रुपमा शपथ लिएका हुन् ।

उनीहरुलाई आजै मुख्यमन्त्री राजकुमार शर्माको सिफारिसमा प्रदेश प्रमुख परियारले नियुक्त गरेका हुन् । मुख्यमन्त्री शर्मा पुस २८ मा नियुक्त भएका थिए । सोही दिन माओवादी केन्द्रबाट मुगुका मंगलबहादुर शाही र एमालेबाट दैलेखका विनोदकुमार शाहले बिनाविभागीय मन्त्रीको शपथ लिएका थिए । शाह र शाहीले पनि बुधबार जिम्मेवारी पाएका छन् । एमालेका शाहलाई आर्थिक मामिला तथा योजना र शाहीलाई भौतिक पूर्वाधार, उर्जा तथा जलस्रोत मन्त्रालयको जिम्मेवारी दिइएको हो ।

शर्मा नेतृत्वको ७ सदस्यीय मन्त्रिपरिषद् महिला र दलित प्रतिनिधिविहीन बनेको छ ।

प्रकाशित : माघ ११, २०७९ १९:०३
प्रतिक्रिया
पठाउनुहोस्
जनताको राय

कांग्रेसले 'वेल' घेरेर नाराबाजी गरिरहेका बेला प्रधानमन्त्रीले प्रतिनिधिसभामा विश्वासको मत लिएको घटनालाई कसरी लिनु भएको छ ?