जडीबुटी उद्योगमा आगलागी 

उद्योगको परिसरमा रहेको काठमा आगो दन्किएको छ। उद्योगभित्र आगो पुगिसकेको छैन। उद्योगभित्र पुगेमा अझ ठूलो क्षति हुने भएकाले आसपासबाट दमकल मगाए आगो निभाउने प्रयास भइरहेको छ ।

आगलागी नियन्त्रणमा नेपाली सेना, नेपाल प्रहरी र शसस्त्र प्रहरीको टोली खटेको छ । स्थानीय पनि आगलागी नियन्त्रणमा जुटिरहेका छ्न् ।

आगलागी नियन्त्रणमा बाँके जिल्लाका ६ वटा दमकल, प्रहरीको वाटर क्यानल, बर्दियाको ३ वटा र भारतको रुपडियाबाट १ गरि ११ दमकलको प्रयोग भएपनि सल्लाको खोटोमा आगलागी भएकोले नियन्त्रण हुन कठिनाइ भइरहेको प्रमुख जिल्ला अधिकारी श्रवणकुमार पोखरेलले बताए ।

गोदाम र कारखाना तर्फ आगो फैलिन नदिन प्रयास जारी छ । हाल गोदाम खाली गराउने काम भइरहेको छ ।