बाँकेमा सातौँ थारु साहित्य सम्मेलन सुरु

कार्यक्रमलाई सम्बोधन गर्दै मन्त्री मोदीले थारु समुदाय अहिले पनि विभेदमा परिरहेको बताए । थारु आन्दोलनका घटनामा परेका थारु नेताहरूलाई सरकारले विभेद गर्दै पक्राउ गर्नु दुःखद भएको उनको भनाइ छ ।

थारु बाहूल्यता रहेको क्षेत्रमा थारु संग्रहालय अनिवार्य स्थापना गर्न आवश्यक रहेको र त्यसका लागि बजेट छुट्याउन आफूले पहल गर्ने प्रतिबद्धता जनाए । थारु साहित्यमा कलम चलाउनेका लागि राम्रो कार्यक्रम ल्याउन आफूले पहल गर्ने मन्त्री मोदीले बताए ।

सम्मेलन उद्घाटन सत्रमा लुम्बिनी प्रदेशकी मन्त्री कृष्णा केसी, राप्ती सोनारी गाउँपालिका अध्यक्ष तप्तबहादुर पौडेल, खजुरा गाउँपालिका अध्यक्ष डम्बरबहादुर विक, वरिष्ठ साहित्यकार, डा. गोविन्द आचार्य, कृष्णराज सर्वाहारी, अन्य साहित्यकारहरू, स्थानीय जनप्रतिनिधि, सञ्चारकर्मीलगायतको उपस्थिति रहेको थियो ।