धार्मिक पर्यटनको विकास आवश्यक छ : मुख्यमन्त्री गिरी- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

धार्मिक पर्यटनको विकास आवश्यक छ : मुख्यमन्त्री गिरी

सन्जु पौडेल

तिलोत्तमा — लुम्बिनी प्रदेशका मुख्यमन्त्री लिला गिरीले धार्मिक पर्यटनको विकास गर्न आवश्यक रहेको बताएका छन् । उनले भौतिक पूर्वाधारको विकासले मात्रै मुलुकको विकास हुन नसक्ने भन्दै धार्मिक पर्यटनका लागि योजना अगाडि बढाउनु पर्ने बताए ।

'मुलुकको समग्र विकासका लागि आर्थिक, सामाजिक, सांस्कृतिक र धार्मिक विकासलाई एकसाथ अगाडि बढाउनु पर्छ,' उनले भने, 'धार्मिक क्षेत्रको विकासका लागि प्रदेश सरकारले योजनाबद्ध रुपमा काम अगाडि बढाउनेछ ।'

रुपन्देहीको ओमसतीया गाउँपालिका–४, बसन्तपुर डण्डा नदीको तटमा जारी श्रीमद् भागवत सप्ताह ज्ञान महायज्ञको मंगलबार अवलोकनको क्रममा मुख्यमन्त्री गिरीले यस्तो बताएका हुन् ।

यस्ता धार्मिक कार्यक्रमले सनातन धर्मको रक्षाका लागि ठूलो सहयोग गर्ने र त्यसले आम मानिसलाई सत्कर्ममा अघि बढ्न प्रेरित गर्ने बताएका थिए ।

नेपालका प्रथम जगद् गुरु बालसन्त मोहन शरण देवाचार्यले दक्षिण धामका रुपमा भैरहवामा पीठ निर्माणको पहलकदमी थालेका छन् । 'पूर्वमा चतराधाम बराहक्षेत्रमा प्रथम जगद् गुरु पीठ, दोस्रो शारदा पीठ महाकाली, तेस्रो निलाद्री पीठ मुक्तिनाथ क्षेत्र जोमसोम स्थापना भइसकेको छ’, जगद् गुरु देवाचार्यले भने, 'अब भैरहवा दक्षिण पीठका रुपमा धाम बनाउने मेरो उद्देश्य हो । यसका लागि रुपन्देहीबासीको माया, सद्भाव र सहयोग आवश्यक छ ।’ महायज्ञमा मुख्यमन्त्री गिरीलाई अभिनन्दनसमेत गरिएको थियो ।

प्रकाशित : माघ १०, २०७९ १६:१४
प्रतिक्रिया
पठाउनुहोस्

यौनिक तथा लैंगिक अल्पसंख्यक युवाहरूको कथामा 'बिकमिङ'

कान्तिपुर संवाददाता

काठमाडौँ — लुनिभा तुलाधरको निर्देशनमा लैंगिक अल्पसंख्यक युवाहरूको जीवन दर्शाउने वेब सिरिज बिकमिङ(आकार)को श्रृंखला प्रदर्शनमा आएको छ ।

सेभ द चिल्ड्रेन र ब्लु डायमन्ड सोसाइटीले सोमबार पत्राकार सम्म्लेनबीच वेब सिरिजका श्रृंखला प्रदर्शनमा गरेका हुन् । यो सिरिज सेभ द चिल्ड्रेनको आधिकारिक युट्युब च्यानलबाट प्रदर्शनमा आएको छ ।

वेब सिरिजको कथा एक पात्र प्रकृतिको जीवनमा आधारित छ । आफ्नो यौनिक पहिचानका लागि प्रकृतिले कस्तो परिस्थितिको सामना गर्नुपर्ने हुन्छ र सामाजिक स्वीकार्यका पक्ष यस वेब सिरिजमा समेटिएको छ । रंगकर्मी आकांक्षा कार्कीको लेखनमा तयार भएको यस वेब सिरिज ४ श्रृंखलामा तयार भएका छन् । यसअघि यौनिक तथा लैंगिक अल्पसंख्यक समुदायको चित्रण नेपाली फिल्ममा हेपिएका, कमजोर र मजाकका रूपमा प्रस्तुत गरिएको हुँदा त्यो परम्परागत मान्यता भत्काउन आफूहरूले बिकमिङको परिकल्पना गरिएको निर्देशक तुलाधरको भनाइ छ ।

यो वेब सिरिजको निर्माणमा ६० प्रतिशत यौनिक तथा लैंगिक अल्पसंख्यकहरूको उपस्थिति रहेको बताइएको छ । वेब सिरिजमा लुनिभा तुलाधर, अमर दाहाल, अदिति शेर्पा, निर्भिक भट्टराई, युनिश गुरुङलगायतका कलाकारले अभिनय गरेका छन् ।

प्रकाशित : माघ १०, २०७९ १६:०८
पूरा पढ्नुहोस्
प्रतिक्रिया
पठाउनुहोस्
×