२७.१२°C काठमाडौं
काठमाडौंमा वायुको गुणस्तर: १९६

व्यास नगर अल्ट्रा म्याराथनको उपाधि विशाललाई

सम्झना रसाइली

तनहुँ — जिल्लाको व्यास नगरपालिकाले आयोजना गरेको छैटौं व्यास नगर अल्ट्रा म्याराथन २०७९ को उपाधि व्यास–७ का विशाल गुरुङले जितेका छन् । सहिद दिवसका अवसरमा नगरपालिकाले वडा नं. ५ मानुङकोटदेखि वडा नं. ८ पुलिमराङसम्मको ४४ किमि दूरीको अल्ट्रा म्याराथन ३ घण्टा २६ मिनेटमा पूरा गर्दै गुरुङले उक्त उपाधि जितेका हुन् ।

व्यास नगर अल्ट्रा म्याराथनको उपाधि विशाललाई

प्रतियोगितामा व्यास–६ का सहास पन्थले उक्त दुरी ३ घण्टा ३६ मिनेटमा पार गर्दै द्वितीय र आँबुखैरेनी गाउँपालिका १ का सनम गुरुङले सोही दुरी ३ घण्टा ३८ मिनेटमा पूरा गर्दै तृतीय भएका छन् ।

५७ धावकको सहभागिता रहेको प्रतियोगितामा प्रथमलाई ६१ हजार रुपैयाँ, द्वितीयलाई ५१ हजार रुपैयाँ र तृतीयलाई ३८ हजार रुपैयाँ नगद पुरस्कारबाट पुरस्कृत गरिएको छ । यस्तै, प्रतियोगितामा सान्त्वना हुने ३ जनालाई जनही १२ हजार पाँच सय रुपैयाँ नगदसहित ट्रफी र मेडलद्वारा पुरस्कृत गरिएको छ ।

‘पर्यटन, धार्मिक एंव ऐतिहासिक क्षेत्रको पहिचान, व्यास नगरपालिकाको अभियान’ भन्ने नाराका साथ आयोजित अल्ट्रा म्याराथनका लागि अलैचे, चापाघाट, अनसन चौतारी, सफासडक, भोर्लेटार चोक, बैरेनीकुमालटारी, दुम्सी खहरे, कलेस्ती, पाथ्रा, सत्रसय, बानियाँ डिही, बर्लाची, सोतीवेशी, बगुवा रिस्ती, बाहुन पोखरा गाडापानीको मार्ग प्रयोग गरिएको आयोजकले बताएको छ ।

पर्यटकीय क्षेत्र मानहुँकोट र ऐतिहासिक क्षेत्र पुलिमराङको विकासका लागि व्यास नगरपालिकाले हरेक वर्षसहिद दिवसका दिन अल्ट्रा म्याराथन प्रतियोगिता गर्दै आएको नगरप्रमुख बैकुण्ठ न्यौपानेले बताए ।

नगरपालिकाले विगतका वर्षा खुल्ला रुपमा म्याराथन आयोजना गर्दै आए पनि यस वर्ष जिल्लावासीको सहभागितामा प्रतियोगिता आयोजना गरेको थियो । विगतका वर्षहरूमा राष्ट्रिय धावकको सहभागितामा हुँदै आएको प्रतियोगिताका विजेताले प्राप्त गर्ने पुरस्कार राशीसमेत घटाइएको छ ।

प्रकाशित : माघ १६, २०७९ १४:४८
प्रतिक्रिया
पठाउनुहोस्
जनताको राय

आन्दोलनका क्रममा सार्वजनिक सम्पत्तिमा क्षति पुर्‍याए सम्बन्धित पक्षबाट क्षतिपूर्ति भराउने गृहमन्त्रीको निर्णय कस्तो लाग्यो ?