कर्तव्य ज्यान मुद्दामा २० वर्षपछि पक्राउ
रामेछाप — रामेछापको सुनापति ४ बेथानका च्याङ्वा भनिने विरासलाल तामाङलाई कर्तव्य ज्यान सम्बन्धी मुद्दामा २० वर्षपछि प्रहरीले आइतबार पक्राउ गरेको छ ।
२०६० मंसिर ४ गते साविक बेथान गाविस ७ का रामशरण घिमिरे खत्रीलाई चौरीखोला नजिकै कुटपिट गरी हत्या गरी सुनकोशीमा फालेको जाहेरीका आधारमा प्रहरीले उनको खोजी गरिरहेको थियो ।
घटनापछि फरार रहेका ६६ वर्षीय तामाङ घरमै छुकिछिपी बसेको अवस्थामा पक्राउ परेका हुन् ।
जिल्ला प्रहरी कार्यालय रामेछापका अनुसार तामाङलाई कर्तव्य ज्यान सम्बन्धी अनुसन्धानका लागि रामेछाप जिल्ला अदालतबाट हिरासतमा राखी अनुसन्धान गर्न आइतबार नै म्याद थप गरिएको छ ।
प्रकाशित : जेष्ठ ७, २०८० २०:२३प्रतिक्रिया