काभ्रे महाभारतका अग्निपीडितलाई राहत
काभ्रे — काभ्रेको महाभारत गाउँपालिका वडा नम्बर २ स्थित चिसापानीटारमा फागुन २१ गते भएको आगलागीबाट पीडित स्थानीयलाई राहत वितरण गरिएको छ । आगलागी भएर चिसापानीटारका पदम बहादुर गोलेको घर पूर्ण रुपमा क्षति भएको थियो ।
आगलागीबाट घरसँगै उनका १५ वटा कुखुरा, २ वटा बाख्रा लगायत लाखौं मूल्य बराबरको क्षति भएको पदम बहादुरले जानकारी दिए ।
आगलागी भएर घर पूर्ण रुपमा क्षति भएको समयदेखि नै पदम बहादुर छिमेकीको घरमा बस्दै आएका छ्न । आर्थिक रुपमा पनि विपन्न भएकाले तरुण दल काभ्रेका नेता राम ध्वज लामाले खाद्यान्न, लत्ताकपडा लगायत आर्थिक सहयोग गरेका हुन् ।
नेता लामाले सोमबार अग्नि पीडित पदम बहादुरलाई ५ थान सिरक, ५ थान डस्ना, ५ थान सिरानी, १० बोरा चामल, ५ लिटर तेल, ५ केजी चिनी, ५ केजी दाल लगायत ५ हजार रुपैयाँ सहयोग गरेका हुन् ।
अग्नि पीडित पदमलाई हालसम्म गाउँपालिकाको तर्फबाट २० हजार रुपैयाँ सहयोग प्राप्त भएको छ ।
प्रकाशित : चैत्र १४, २०७९ १८:५४
