काठमाडौँ — बीपी राजमार्गअन्तर्गत पर्ने सिन्धुलीको कमलामाई नगरपालिका २ को पौवागढी नजिकै मोटरसाइकल दुर्घटना हुँदा चालकसहित दुई जना घाइते भएका छन् । 

काठमाडौंबाट सिरहातर्फ जाँदै गरेको स ५ प ७६९२ नम्बरको मोटरसाइकल अनियन्त्रित भई दुर्घटना हुँदा चालक सिरहा कर्जन्हा नगरपालिका १० का ३६ वर्षीय खलिल मन्सुर र सोही ठाउँका २३ वर्षीय एजाद खान घाइते भएको प्रहरीले जनाएको छ ।

दुर्घटना हुँदा पछाडि बसेका खान भीरबाट एक सय ५० मिटर तल खसेकाले गहिरो चोट लागेको हुँदा सिन्धुली अस्पतालमा प्राथमिक उपचारपछि काठमाडौं पठाइएको सिन्धुली प्रहरीका डीएसपी चिरन्जिवी दाहालले जानकारी दिए । चालक मन्सुरको दुवै खुट्टा र हातमा चोट लागेको छ ।