२७.१२°C काठमाडौं
काठमाडौंमा वायुको गुणस्तर: १९६

नुवाकोटमा अवैध काठसहित पाँच जना पक्राउ

कृष्ण थापा

नुवाकोट — जिल्लामा अवैध काठसहित पाँच जना पक्राउ परेका छन् । सूर्यगढी गाउँपालिका-३ बिसमुरेमा काठ काटिरहेको अवस्थामा दुई जना र शिवपुरी गाउँपालिका-८ मा तीन जना पक्राउ परेको डिभिजन वन कार्यालय नुवाकोटका प्रमुख दीर्घनारायण कोइरालाले बताए ।

नुवाकोटमा अवैध काठसहित पाँच जना पक्राउ

उनका अनुसार सूर्यगढी गाउँपालिका-३ बिसमुरेमा २ सय १० गोलिया र फलाँटेको एक फर्निचरबाट चिरान गरेको १ सय ६ थान सालको काठसमेत बरामद गरिएको छ ।

त्यसैगरी, शिवपुरी गाउँपालिका-८ मा बा४ख १००३ नम्बरको आइचर गाडीसहित २६ थान गोलिया सालको काठ बरामद गरिएको वन कार्यालयले जनाएको छ । ककनी गाउँपालिका ८ मा अवैधरुपमा लुकाइछिपाई राखेको एक ट्रिप सालको गोलिया काठसमेत बरामद भएको छ । पक्राउ परेकाहरुलाई जिल्ला प्रहरी कार्यालयको हिरासतमा राखिएको छ ।

बरामद काठ र पक्राउ परेकामाथि अनुसन्धान भइरहेको वन कार्यालय नुवाकोटका प्रमुख कोइरालाले बताए ।

प्रकाशित : पुस १९, २०७९ १८:१४
प्रतिक्रिया
पठाउनुहोस्
जनताको राय

आन्दोलनका क्रममा सार्वजनिक सम्पत्तिमा क्षति पुर्‍याए सम्बन्धित पक्षबाट क्षतिपूर्ति भराउने गृहमन्त्रीको निर्णय कस्तो लाग्यो ?