धनुषा भडरियामा महिलाको शव भेटियो
धनुषा — धनुषाको भडरियामा सडेको अवस्थामा एक महिलाको शव फेला परेको छ । धनौजी गाउपालिका वडा नं. ४ भडरियास्थित आँप बगैंचामा परालले छोपिएको अवस्थामा महिलाको शव फेला परेको जिल्ला प्रहरी कार्यालय धनुषाले जनाएको छ ।
मंगलबार स्थानीयले शव देखेपछि प्रहरीलाई खबर गरेका थिए । घटनास्थलमा धनुषाका प्रहरी उपरीक्षक मित्रबन्धु शर्माको टोली पुगेर अनुसन्धानका लागि कुकुरसहितको टोली परिचालन गरिएको छ ।
महिलाको शवलाई पोष्टमार्टमका लागि प्रादेशिक अस्पताल जनकपुरधाममा ल्याइएको छ । ७५ प्रतिशतभन्दा बढी शव कुहिएको र थप अनुसन्धान भइरहेको प्रहरी उपरीक्षक शर्माले बताए ।
प्रतिक्रिया