झापाको चिया बगानमा युवक–युवती मृत भेटिए
काँकडभिट्टा — झापाको एक चिया बगानमा युवक–युवती मृत भेटिएका छन् । कचनकवल–४ स्थित एभरेस्ट चिया बगानमा स्थानीय २५ वर्षीय राजेशकुमार गणेश र १८ वर्षीया पवित्राकुमारी राजवंशी मृत भेटिएको प्रहरीले बताएको छ ।
बगानमा रहेको रुखमा दुवै झुन्डिएको अवस्थामा भेटिएका हुन् । प्रहरीले घटनाको अनुसन्धान गरिरहेको जनाएको छ ।
करिब ३ महिनाअघि दुवै जनाले भागी बिहे गरेका राजेश र पवित्रालाई गणेश परिवारले अलग्गाउने कोसिस गरेको स्थानीयको भनाइ छ । केटी पक्षले राजेशलाई अस्वीकार गरेको छिमेकी बताउँछन् ।
प्रकाशित : माघ १०, २०७९ १०:५१प्रतिक्रिया
