यस्तो चलन कहिले सुधार्ने ?

चैत्र १५, २०८०पाठक पत्र

सत्तामा हत्याउन जेसुकै पनि गर्ने
चुनाव जित्न जेसुकै पनि भन्ने
सत्तामा जान जोसँग पनि मिल्ने
सत्तामा टिक्न जोसुकैलाई पनि साथ लिने
अनेक नियम–कानुन बनाएर राख्ने
विदेशी ऋणसँग पदीय सुविधा चाख्ने

भ्रष्टाचारका फाइल देखाएर लुकाउने
अपराधीलाई पक्रेर छोडाउने
प्रतिवेदन, सुझाव बुझेर थन्क्याउने
जनतालाई करले थला पार्ने
अनावश्यक कुरा पनि बाहिरबाट ओसार्ने
युवा वर्गलाई बिदेसिन बाध्य पार्ने
यस्तो चलन कहिले सुधार्ने ?
– इन्द्रकुमार श्रेष्ठ, ओखलढुंगा