मध्यवर्तीमा बनेका घरटहरा चितवन राष्ट्रिय निकुञ्जले हटायो

पुस ४ गतेदेखि मध्यवर्ती क्षेत्रको जमिन अतिक्रमण गरेर बनेका ९ वटा घरटहरा मंगलबार हटाएको चितवन निकुञ्जका सूचना अधिकारी रहेका सहायक संरक्षण अधिकृत गणेशप्रसाद तिवारीले जानकारी दिए ।

निकुञ्ज क्षेत्रभित्र घर नबनाउन यसअघि पटक-पटक अनुरोध गरेको तिवारीले बताए । अनुरोध नमानेका कारण निकुञ्ज प्रशासन र निकुञ्ज सुरक्षाका लागि तैनाथ खड्गदल गण र सिद्धिबकस गणका सेनाहरूको सहयोगमा चैत्र ७ गते अतिक्रमित क्षेत्रका घर टहराहरू हटाएको तिवारीको भनाइ छ ।