मध्यवर्तीमा बनेका घरटहरा चितवन राष्ट्रिय निकुञ्जले हटायो
चितवन — गत पुस महिनाको सुरुवातसँगै चितवन राष्ट्रिय निकुञ्जको मध्यवर्ती क्षेत्रअन्तर्गत पर्ने मकवानपुर जिल्लाको मनहरी गाउँपालिका-६ लोथरखोला आसपासमा बनेका घरटहरा निकुञ्ज प्रशासन र नेपाली सेनाले हटाएको छ ।
पुस ४ गतेदेखि मध्यवर्ती क्षेत्रको जमिन अतिक्रमण गरेर बनेका ९ वटा घरटहरा मंगलबार हटाएको चितवन निकुञ्जका सूचना अधिकारी रहेका सहायक संरक्षण अधिकृत गणेशप्रसाद तिवारीले जानकारी दिए ।
निकुञ्ज क्षेत्रभित्र घर नबनाउन यसअघि पटक-पटक अनुरोध गरेको तिवारीले बताए । अनुरोध नमानेका कारण निकुञ्ज प्रशासन र निकुञ्ज सुरक्षाका लागि तैनाथ खड्गदल गण र सिद्धिबकस गणका सेनाहरूको सहयोगमा चैत्र ७ गते अतिक्रमित क्षेत्रका घर टहराहरू हटाएको तिवारीको भनाइ छ ।
प्रकाशित : चैत्र ८, २०७९ १४:०३प्रतिक्रिया