वैशाख १५ भित्रै फेरि विश्वासको मत लिनुपर्ने अवस्था नआओस् : लिङदेन

'प्रधानमन्त्रीलाई अर्को यात्राका लागि शुभकामना छ । तपाईँले बिनाकारण बाटो फेर्नुभयो । जुहारी चलाउने मन छैन । भाग्यमानी प्रधानमन्त्री हुनुहुन्छ । २ महिनामा २ पटक विश्वासको मत लिनु भएको छ । वैशाख १५ भित्र फेरि विश्वासको मत लिनुपर्ने अवस्था नआओस्,' उनले भने ।

उनले सरकारमा सबैलाई सहभागी गराउने र पदको भागबण्डा गर्ने अहिलेको व्यवस्था नभएको पनि बताएका थिए ।

यस क्रममा लिङदेनले प्रधानमन्त्री दाहालले बाटो फेरेको र धोका दिएको आरोप लगाएका थिए । साथै नैतिकता बिर्सेको उनको भनाइ थियो । 'हामीले होइन तपाइँले बाटो फेर्नुभयो । नैतिकता भन्ने चिज पनि हुन्छ । यो इतिहासमा छलफल र मूल्यांकन हुनेछ,' लिङदेनले भने, 'हिजो अस्ति मात्रै फरकमत राखेर हिँडेको त्यसैले विश्वासको मत दिन सकिँदैन ।'