खानले स्वीकारे खानेपानी मन्त्रालय, केहीबेरमा पदभार ग्रहण गर्दै

'गठबन्धनमा हाम्रो पार्टीका केही असमझदारीहरु थिए, त्यसलाई सम्बोधन गर्ने कुराकानी भएपछि अब मन्त्रालयमा पुगेर पदभार ग्रहण गर्दैछु,' मन्त्री खानले इकान्तिपुरसँग भने ।

जनमतले यसअघि गठबन्धनमा शक्ति बाँडफाँटको विषयमा असन्तुष्टि जनाउँदै मन्त्रालयको जिम्मेवारी लिन अस्वीकार गरेको थियो । ११ पुसमा मन्त्री बनेका खानलाई प्रधानमन्त्री पुष्पकमल दाहालले ३ माघमा खानेपानी मन्त्रीको जिम्मेवारी दिएका थिए । तर पूर्वसहमति अनुसार उद्योग, बाणिज्य तथा आपूर्ति मन्त्रालय नै पाउनुपर्ने भन्दै उनले कार्यभार सम्हाल्न मानेका थिएनन् ।