सभामुख निर्वाचनका लागि कांग्रेसको ह्ववीप
काठमाडौँ — नेपाली कांग्रेसले प्रतिनिधिसभाको बिहीबारको बैठकमा अनिवार्य उपस्थित हुन ह्वीप जारी गरेको छ । प्रतिनिधिसभाको बिहीबारको बैठकमा सभामुखका लागि मतदान हुँदैछ । सभामुख निर्वाचनमा कांग्रेसबाट ईश्वरी न्यौपानेले उम्मेदवारी दिएकी छन् ।
प्रतिनिधिसभाको सभामुखका लागि न्यौपानेले कांग्रेस र नेकपा एकीकृत समाजवादीका तर्फबाट उम्मेदवारी दिएकी हुन् ।
प्रमुख सचेतक रमेश लेखकले सभामुखको निर्वाचनमा अनिवार्य उपस्थित हुन, तटस्थ नरहन र न्यौपानेलाई सभामुख पदमा निर्वाचित गरियोस् भन्ने प्रस्तावको पक्षमा मतदान गर्न हृवीप जारी गरेका हुन् ।
दलको कार्यालयका विजयेन्द्र वीर आलेले प्रमुख सचेतक लेखकले देवराज घिमिरेलाई सभामुख पदमा निर्वाचित गरियोस् भन्ने प्रस्तावको विपक्षमा मतदान गर्न हृवीप जारी गरेको जानकारी दिए । प्रतिनिधिसभाको बिहीबार बिहान ११ बजे बस्ने बैठकमा संविधानको धारा ९१ एवम् प्रतिनिधिसभा नियमावली ०७५ बमोजिम सभामुखको निर्वाचनसम्बन्धी प्रस्ताव प्रस्तुत हुँदैछ ।
प्रकाशित : माघ ४, २०७९ १७:४७
