मुस्ताङ दुर्घटना : एकै परिवारका ८ को मृत्यु

दुर्गालाल केसी

राप्ती (दाङ) — कमाउन मुस्ताङ गएका २५ वर्षीय श्रीमान् राष्ट्रिय रोका दुर्घटनामा परेपछि २१ वर्षीया लीला रोकाका आँखा ओभाएका छैनन् । ‘तीन वर्ष विदेश बसेर आउनुभएको थियो । घरमा बसेर खान नपुग्ने । कमाइ गर्नुपर्‍यो भनेर तीन महिनाअघि मुस्ताङ जानुभएको थियो तर फर्केर आउनुभएन,’ भक्कानिँदै लीलाले भनिन्, ‘तीन दिनअघि फोनमा कुरा भएको थियो । काम राम्रै छ, कमाएर फर्कन्छु भन्नुहुन्थ्यो ।’

ZenTravel

कमाउने घरमूली नरहेपछि लीला बाँकी जीवनप्रति चिन्तित छिन् ।रोल्पाको थबाङ गाउँपालिका–५ पुसबाङ घर भएकी लीला पाँच वर्षीय छोरा मौसमलाई पढाउन दाङ झरेकी थिइन् । आफन्तको साथमा बस्दै आएकी लीला परिवारकै ८ जना गुमाउँदा मर्माहत छिन् ।

राष्ट्रियका दाजु कमानसिंह, दिदी जितमाया, भिनाजु बागिमन, भाइ महेश, दिदी कविता, बिन्ती र भतिजी सिर्जनाको मृत्यु भएको उनले बताइन् । लीलाले श्रीमान्, जेठाजु, देवर, आमाजू र भतिजी गुमाएकी छन् । ‘घरका सबै आफन्त एकैसाथ गए । अब साथ दिने कोही छैन,’ उनले भनिन्, ‘मेरा लागि संसार अन्धकार भयो । ज्यान पाल्ने कामले ज्यानै लियो ।’

मुस्ताङमा सडक र घर निर्माणको काम पाइने भएपछि नयाँ बस्तीका सबैजसो आफन्त एकै ठाउँमा काम गर्न गएका थिए । स्थानीय ३८ वर्षीय रमेश घर्तीले गाउँका मजदुरको नेतृत्व गर्दै मुस्ताङ पुर्‍याएका थिए । उनले आफूले लगेका मजदुरसँगै ३१ वर्षीया श्रीमती कवितालाई पनि गुमाए । आफू बिरामी भएका कारण काममा गएका थिएनन् । अहिले घरमा वृद्ध बाआमा र १३ वर्षीया छोरी सिर्जना मात्रै छन् । आमाको मृत्युको खबर पाएदेखि सिर्जना ओछ्यानबाट उठ्न सकेकी छैनन् ।

७० वर्षीय आसबहादुर घर्ती बुहारी कविता गुमाउँदाको पीडाले छटपटिएका छन् । सशस्त्र द्वन्द्वको चरम उत्कर्षका बेला २०६० मा रोल्पाको उवाबाट दाङ झरेका घर्ती कतै गए पनि सुरक्षित हुन नसकेकामा साह्रै स्तब्ध छन् । ‘पहिले युद्धबाट बच्न गाह्रो भयो र दाङ आइयो । अहिले मजदुरीको कामले बुहारीको ज्यान लियो,’ उनले भने ।

Meroghar

प्रकाशित : असार २४, २०७५ ०७:२२
प्रतिक्रिया
पठाउनुहोस्
ADVERTISEMENT
ADVERTISEMENT

असारे बजेटमा चीन घुम्ने रहर

अब्दुल्लाह मियाँ

काठमाडौँ — आर्थिक वर्ष सकिनै लाग्दा राष्ट्रपति चुरे तराई–मधेस संरक्षण विकास समितिका ५ पदाधिकारीसहित करिब एक दर्जन व्यक्तिको चीन भ्रमण प्रस्ताव वन मन्त्रालय पुगेको छ ।

‘बजेट सक्ने उद्देश्यले’ समितिका अध्यक्ष वीरेन्द्र यादव, बोर्ड सदस्यहरू विदुर भारती, रामदयाल यादव, डा. मोतीलाल रिजाल र दीपा प्रधानसहित समितिका सदस्यसचिव हेमलाल अर्याल र उपसचिव श्रीप्रसाद बराल तथा अर्थ र वन मन्त्रालयका प्रतिनिधिलगायतको प्रस्ताव स्वीकृतिका लागि मन्त्रालयमा पेस भएको हो । सदस्यसचिव अर्यालले भने असार मसान्तभित्र समितिका धेरै काम गर्नुपर्ने भएकाले आफू सहभागी नहुने बताएका छन् ।

चीनमा पहिले नै तय गरिएको कुनै कार्यक्रम नभए पनि असार सकिनै लाग्दा एकाएक भ्रमण प्रस्ताव पेस भएपछि मन्त्रालयका अधिकारी नै अचम्भित बनेका छन् । उक्त प्रस्ताव सचिव डा.विश्वनाथ ओलीकोमा पुगेको छ । अघिल्ला वर्ष पनि असारे भ्रमणको प्रस्ताव मन्त्रालयमा पेस हुने गरेका थिए । कतिपय मन्त्रीले भने आफ्ना कार्यकर्ताले समेत सरकारी खर्चमा विदेश सयर गर्न पाउने भएपछि त्यस्ता प्रस्ताव स्वीकृत गर्ने गरेका थिए ।

उनीहरूको भ्रमण प्रस्ताव वन तथा वातावरण मन्त्रालयमार्फत मन्त्रिपरिषद्ले स्वीकृत गर्नुपर्ने हुन्छ, तर उनीहरूले समय कम भएकाले मन्त्री शक्तिबहादुर बस्नेतबाट भ्रमण कार्यक्रम स्वीकृत गराउने प्रयास गरिरहेका छन् । चुरे गठन आदेशमा अध्यक्ष राज्यमन्त्रीसरह र बोर्ड सदस्य सहायक मन्त्रीसरह हुने व्यवस्था छ । मन्त्री बस्नेतले चुरेको प्रस्ताव आफूकहाँ आइनपुगेको प्रतिक्रिया दिए ।

समिति स्रोतले चीन भ्रमण प्रस्तावमा ‘घुम्ने र बजेट सिध्याउनेबाहेक कुनै विशेष प्रयोजन नभएको’ कान्तिपुरलाई बतायो । अध्यक्ष यादवले कुनमिङ हुँदै चीन गएर बाँस प्रजातिको अध्ययन–अनुसन्धानका साथै जीविकोपार्जनका कार्यक्रम अवलोकन गर्ने भ्रमण कार्यक्रममा समेटिएको दाबी गरे ।

प्रकाशित : असार २४, २०७५ ०७:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×