काठमाडौँ — प्रेस चौतारी नेपालले बाराका कान्तिपुरकर्मी लक्ष्मी साहसहित ६ पत्रकारलाई पुरस्कृत गर्ने निर्णय गरेको छ । आफ्नो २५ औं स्थापना दिवसको अवसरमा साहलाई 'वीरेन्द्रकुमार साह क्रियाशील पत्रकारिता पुरस्कार' प्रदान गर्ने निर्णय गरेको चौतारीले जनाएको छ ।

त्यसैगरी, चौतारीका पूर्वअध्यक्ष बालकृष्ण चौलागाईलाई 'हृदयचन्द्रसिंह प्रधान स्मृति पत्रकारिता पुरस्कार', 'अग्नी शिखा स्मृति पत्रकारिता पुरस्कार' कृष्ण केसी, 'डेकेन्द्र थापा स्मृति पत्रकारिता पुरस्कार' याम शर्मा र 'सावित्रीदेवी पद्मलक्ष्मी बस्नेत स्मृति पत्रकारिता पुरस्कार' लिलाराज भट्टराई र 'चन्द्र न्यौपाने शान्तिराम कार्की स्मृति पत्रकारिता पुरस्कार' ममता भट्टलाई प्रदान गर्ने निर्णय गरेको चौतारीले बुधबार जारी गरेको विज्ञप्तिमा उल्लेख छ ।

चौतारीले यही माघ २२ गते २५ औं स्थापना दिवस मनाउँदैछ ।