नेपालमा पर्यटन अवस्था, चुनौती र सम्भावना पुस्तक सार्वजनिक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपालको पर्यटन क्षेत्रमा लामो समयदेखि आबद्ध अध्येता, अभियन्ता, व्यवसायी, विज्ञहरुद्वारा लेखिएको पुस्तक ‘नेपालमा पर्यटन अवस्था, चुनौती र सम्भावना’ सार्वजनिक भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नेपालमा पर्यटन अवस्था, चुनौती र सम्भावना पुस्तक सार्वजनिक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/tourism-book-0962024055408-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेकपा (एमाले) को पर्यटन प्रवर्द्धन तथा नागरिक उड्डयन विभागले प्रकाशन गरेको ८ सय ३८ पृष्ठको पुस्तकको शनिबार राजधानीमा आयोजित कार्यक्रममा अध्यक्ष केपी शर्मा ओलीले विमोचन गरेका थिए । समारोहमा पूर्वप्रधानमन्त्री ओलीले नेपाल देवभूमि, ज्ञानभूमि, बुद्धजन्म भूमि र तपोभूमिका रूपमा रहेकाले प्रचूर पर्यटकीय सम्भावना रहेको बताए ।
उनले पर्यटनको विकासमार्फत गरिबीको रेखामुनी रहेका २० प्रतिशत जनसंख्याको जीवन परिवर्तन गर्न सकिने बताए । ‘राम जन्मभूमिसमेत चितवनमा पर्छ । बुद्धिजमको विकास यहीं भएको हो । हिन्दु र बुद्ध धर्मको प्रवर्द्धन पनि यहींबाट भएको छ,’ समारोहमा ओलीले भने ।
पुस्तकमा नेपालको पर्यटन प्रवर्द्धनसँग जोडिएका कृषि, यात्रा, साहसिक खेल, हावापानी, स्वास्थ्यलगायत १८ विधाका ६७ वटा विस्तृत लेख समेटिएका छन् । उक्त कृतिका प्रधानसम्पादक पूर्वपर्यटनमन्त्री भीमप्रसाद आचार्य रहेका छन् । उनले पर्यटन क्षेत्रमा रहेका समस्या बुझ्न पुस्तक प्रकाशन भएको भन्दै यस क्षेत्रको अध्ययन गर्न चाहनेहरुका लागि पुस्तक उपयोगी हुने बताए ।
प्रकाशित : जेष्ठ २७, २०८१ २१:३९