२३.१२°C काठमाडौं
काठमाडौंमा वायुको गुणस्तर: १६९

पारिजात सम्मान घोषणा

काठमाडौँ — पारिजात स्मृति केन्द्रले बर्सेनि प्रदान गर्दै आएको पारिजात संघर्षशील नारी सम्मानबाट यो वर्ष सिन्धुलीकी गोमा देवकोटालाई सम्मानित गरिने भएको छ । 

पारिजात सम्मान घोषणा

केन्द्रका महासचिव दिलसुन्दर श्रेष्ठका अनुसार २०७९ को पारिजात सृजना सम्मान लेखक शार्दूल भट्टराई, बाल साहित्य सम्मान गंगा कसजू (पाल्पा) र कला सम्मान संगीतकार गुज्ये मालाकार (कीर्तिपुर) लाई प्रदान गरिने भएको छ । घोषणा भएका सम्मान वैशाख ५ मा साहित्यकार पारिजातको ३०औं स्मृति दिवसका अवसरमा प्रदान गरिने भएको छ ।

मंगलबार स्मृति केन्द्रमा आयोजित समारोहमा साहित्यिक पत्रिका ‘वेदना’ को विमोचन गरिएको थियो । समारोहमा पारिजातकी बहिनी तथा लेखक सुकन्यासाग कवि महेश मास्केले अर्न्तसंवादसमेत गरेका थिए ।

उक्त पत्रिकाको सम्पादन डा. बिन्दु शर्माले गर्दै आएकी छन् ।

प्रकाशित : चैत्र १, २०७९ १४:०४
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?