कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १९६

अधिकारीले ल्याए 'ब्रह्मास्त्र'

काठमाडौँ — साहित्यकार शैलेन्द्र अधिकारीको कथासंग्रह ‘ब्रह्मास्त्र’ सार्वजनिक भएको छ । बत्तीसपुतलीस्थित शिल्पी थिएटरमा शनिबार लेखक कुमार नगरकोटी, अमर न्यौपाने, सुविन भट्टराईलगायतले पुस्तक सार्वजनिक गरेका हुन् । 

अधिकारीले ल्याए 'ब्रह्मास्त्र'

पुस्तक विमोचनअघि र पछि ब्रह्मास्त्र पुस्तकका दुई कथामाथि शिल्पी थियटरका कलाकारले नाटक प्रस्तुत गरेका थिए । कार्यक्रममा लेखक अधिकारीसँग पत्रकार दीपक सापकोटाले पुस्तकबारे छलफल गरेका थिए ।

अधिकारीले आधुनिक कथा लेखनका गुरुप्रसाद मैनालीको ट्रेण्डभन्दा आफूले फरक तरिकाले कथा लेखेको बताए । ‘म शिक्षक वा परिवारको कुनै भूमिकामा रहेको ठानेर कथा लेख्दिनँ, लेखिरहँदा म बिलकुल लेखकमात्र भएर लेख्छु,’ उनले भने, ‘केही काल्पनिक, मनोवैज्ञानिक कथा पाठकमाझ प्रस्तुत गर्ने जमर्को गरेको छु ।’

यसअघि साहित्यकार अधिकारीको निर्वेद उपन्यास बजारमा आइसकेको छ भने गजल र समालोचनाका पुस्तक पनि सार्वजनिक भइसकेका छन् । पुस्तकलाई शिखा बुक्सले बजारमा ल्याएको हो ।

प्रकाशित : माघ २१, २०७९ २२:५१
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?