आठ महिनामा संघ सरकारबाट सडक निर्माण २८ किमि मात्रै
काठमाडौँ — संघ सरकारले आठ महिनामा २८ किलोमिटर मात्र सडक निर्माण गरेको छ । आइतवार सार्वजनिक भएको आर्थिक सर्वेक्षण २०८०/८१ अनुसार गत फागुनसम्म सरकारले १८ हजार २ सय ४१ किमि सडक कालोपत्रे गरेको देखाएको हो ।
त्यस्तै, ७ हजार ६ सय ९७ किमि ग्राभेल र ८ हजार ३ सय २९ किमि कच्ची सडक निर्माण भएको छ । समग्रमा ३४ हजार २ सय ६७ किमि सडक निर्माण भएको आर्थिक सर्वेक्षणमा उल्लेख छ ।
जबकी गत असारसम्म ३४ हजार २ सय ३९ किमि सडक निर्माण भएको थियो । फागुनसम्म कुल सडक मध्ये ५३.२ प्रतिशत कालोपत्रे, २२.५ प्रतिशत ग्राभेल र २४.३ प्रतिशत कच्ची सडक निर्माण गरिएको छ ।
प्रकाशित : जेष्ठ १३, २०८१ १५:४२प्रतिक्रिया