कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५९

ब्याजदर घट्ने वातावरण बनाउन नयाँ अर्थमन्त्रीलाई उद्योग वाणिज्य महासंघको सुझाव

काठमाडौँ — नेपाल उद्योग वाणिज्य महासंघ (एफएनसीसीआई) को प्रतिनिधिमण्डलले नवनियुक्त अर्थमन्त्री डा. प्रकाशशरण महतसँग भेटवार्ता गरेको छ । आइतबार बिहान सिंहदरवारमा भएको भेटवार्ताका क्रममा महासंघका अध्यक्ष शेखर गोल्छाले अर्थतन्त्रको पछिल्लो अवस्था र निजी क्षेत्रले भोगेका समस्याबारे अवगत गराएका थिए । 

ब्याजदर घट्ने वातावरण बनाउन नयाँ अर्थमन्त्रीलाई उद्योग वाणिज्य महासंघको सुझाव

गोल्छाले अहिले बजारमा तरलता प्रवाह गरेर ब्याजदर घटाउनु पर्ने सुझाव दिए । यसका लागि केन्द्रीय बैंक र सरकारले संयुक्त पहलमा तरलता प्रवाह गरेर ब्याजदर झार्नुपर्ने उनको सुझाव छ । सहकारी र लघुवित्तमा तरलता बढाउनेगरी काम गर्न पनि उनले आग्रह गरे । सरकारी खर्च निक्कै सुस्त रहेको भन्दै गोल्छाले त्यसलाई बढाउन सुझाव दिए । ‘अहिले सरकारको राजस्व कम उठेको छ, चालु खर्च धान्न मुस्किल पर्न थालेको अवस्था छ’ गोल्छाले भने ‘यसका लागि बाहिरी ऋण उठाएर भएपनि खर्च गर्नुपर्ने अवस्था छ ।’ यसरी लिएको ऋण विकास खर्च गर्नलाई मात्र प्रयोग गर्नुपर्ने उनको भनाइ छ ।

सीमाबाट हुने अवैध आयात रोक्न, विदेशबाट पैसा भित्रयाउनका लागि दाताहरुसँग पहल गर्न उनले आग्रह गरे । राजस्व उठाउने बहानामा निजी क्षेत्रलाई त्रसित पार्न नहुने भन्दै गोल्छाले मनोबल उच्च बनाएर अगाडि बढ्ने वातावरण तयार पार्न सुझाव दिए ।नवनियुक्त अर्थमन्त्री महतले समस्याग्रस्त अर्थतन्त्र सुधार्ने आफ्नो पहिलो प्राथमिकता र प्रतिवद्धता रहेकाले यसमा निजी क्षेत्रसँग सुझाव लिएर सहकार्य गर्ने बताए ।


प्रकाशित : चैत्र १९, २०७९ १४:२०
प्रतिक्रिया
पठाउनुहोस्
जनताको राय

मन्त्रीहरुले आफ्ना र दलका शीर्ष नेताका निर्वाचन क्षेत्र केन्द्रित गरी विनियोजित बजेटमा सांसदहरूले संसद्मा गरेको विरोधबारे तपाईंको धारणा के छ ?

x